1995 жылы ол Санкт-Петербург мемлекеттік университетінде филология ғылымдарының кандидаты ғылыми дәрежесін алу үшін диссертациясын сәтті қорғады, ал 2001 жылы сол университетте филология ғылымдарының докторы ғылыми дәрежесін алу үшін диссертациясын қорғады.М.В. Пименова – 400-ге жуық ғылыми еңбектің авторы, оның ішінде 30 монография және 18 оқу құралы бар. М.В. Пименова «Концептуалдық зерттеулер», «Славян әлемі», «Концептуалдық және тілдік әлемдер», «Қазақстандағы тілдің полимәдени кеңістігі» атты төрт ғылыми серияның негізін қалады. Осы сериялар аясында жауапты редактор ретінде ғылыми мақалалар жинақтарының, монографиялар мен оқу құралдарының 89 жинағын жарыққа шығарды.М.В. Пименова Санкт-Петербург–Кемерово концептуалдық зерттеулер лингвистикалық мектебін басқарады. Профессор М.В. Пименованың ғылыми жетекшілігімен филология ғылымдарының кандидаты және докторы ғылыми дәрежелерін алу үшін 23 диссертация қорғалды.М.В. Пименова жыл сайын әртүрлі елдердің аумағында – Ресейде, Украинада, Беларусьта, Қазақстанда, Қырғызстанда – ғылыми іс-шаралар, атап айтқанда конференциялар мен Жазғы мектептер өткізеді. Бұл шараларға 9 елден (Ресей, Беларусь, Украина, Қазақстан, Қырғызстан, Польша, Үндістан, Корея, Қытай) аспиранттар, докторанттар және оқытушылар қатысады. Аталған мектептерде дәрістерді еліміздің, сондай-ақ жақын және алыс шетелдердің жетекші ғалымдары оқиды.