QS EECA University Rankings-2022
QS World University Rankings – бұл жоғары оқу орындарының білім және ғылым саласындағы жетістіктерінің көрсеткіштері бойынша жаһандық зерттеу. Рейтинг 2004 жылы әзірленген, Quacquarelli Symonds (QS) Британдық консалтингтік компаниясының әдістемесі бойынша есептеледі және университеттердің ең ықпалды әлемдік рейтингтерінің қатарына кіреді.
QS Emerging Europe and Central Asia University Rankings (QS EECA) өңірлік рейтингісіне Еуропа мен Орталық Азияның дамушы елдерінің оқу орындары кіреді. 2020 жылдың қорытындысы бойынша рейтингтің қорытынды кестесіне (QS EECA – 2022) бағалауға қатысқан 3300 университеттің 450-і енгізілді.
Талдау келесі критерийлер бойынша жүргізілді:
- QS ЕЕСА көрсеткіштерінің мазмұны мен маңыздылығы - Академиялық бедел (Academic Reputation), беделді ғалымдардың 102 500-ден астам жауаптары негізінде QS (QS Global Academic Survey) жүргізген зерттеу нәтижелері бойынша жоғары білім беру мекемелерінің қабылдауын бағалау;
- Жұмыс берушілер арасындағы беделі (Employer Reputation);
- Профессор-оқытушылар құрамының білім алушылар санына арақатынасы (Faculty Student) - бір білім алушыға профессор-оқытушылар құрамы қызметкерлерінің неғұрлым жоғары саны мекемелердің академиялық қолдаудың және сапалы оқытудың жоғары стандарттарын қамтамасыз етуге бейілділігінің жанама көрсеткіші болып саналады;
- Ғылыми дәрежесі бар қызметкерлердің үлесі (staff with PhD) - ғылым докторы немесе кандидаты ғылыми дәрежесі бар (PhD деңгейінде біліктілігі немесе баламасы) қызметкерлердің үлесі университеттердің сапалы оқыту мен зерттеулерді ұстануының жанама көрсеткіші болып саналады;
- Scopus (Citations per Paper) басылымдарына дәйексөз келтіру - бүкіл әлем бойынша басқа зерттеушілердің жоғары білім беру мекемесінің жарияланымдарына орташа баға беру;
- Scopus (Papers per Faculty) жарияланымдық белсенділігі - мекеменің соңғы бес жыл ішінде Scopus индекстеген ғылыми жарияланымдарының орташа саны;
- Халықаралық зерттеу желісі (International Research Network) - Scopus деректері негізінде халықаралық ашықтық және зерттеушілік ынтымақтастық деңгейі бағаланады;
- Шетелдік оқытушылардың үлесі (International Faculty) - ғылыми қоғамдастық пен оқу ортасының әртүрлілігін, сондай-ақ ғалымдар үшін жоғары білім беру мекемесінің халықаралық тартымдылығын көрсетеді;
- Шетелдік студенттердің үлесі (International Students) - студенттер үшін жоғары білім беру мекемесінің халықаралық тартымдылығын көрсетеді;
- Интернет-ресурстардың танымалдығы (Web Impact);
QS Emerging Europe and Central Asia University Rankings - 2022 (QS ISO-2022) рейтингісінің нәтижелері бойынша Ualikhanov University жалпы есепте 301-350-орында.
Ualikhanov University профессор-оқытушылар құрамының білім алушылар санына арақатынасы көрсеткіші бойынша (Faculty Student) 91-орында, ал қалған көрсеткіштер бойынша жалпы алғанда университет 201+ орында.
QS EECA | Ualikhanov University | Fact File
(Құжатты жүктеу сілтемесі ↑ )
